Sheila Dikshit-i’n Priyanka Gandhi tan hmun ken phal

Congress Party-in Uttar Pradesh assembly inthlan neihna tura chief minister candidate atana a chhawp, Sheila Dikshit-i chuan Priyanka Gandhi tan a hmun ken a remtih thu a sawi.

Delhi Chief Minister term thum lo ni tawh, Dikshit-i chuan Mail Today-in a kawmnaah he thu hi a sawi a, ìPriyanka Gandhi hian inthlan hi a chuh ve dawn a nih chuan lawm takin ka hmun ka kian ang. Congress worker-te chuan chuh ve ngei turin an duh hle a, mahse amah thu≠tlukna siam tur a ni angî, a ti. UP assembly inthlan chu an party tan pawh a pawimawh dawn a, kum 2019-a Lok Sabha inthlanpui neih tur atan pawh nghawng a nei lian dawn hle a ni, a ti.

Dikshit-i chuan, ìUP-ah hian Congress chuan kum 26-27 chhung thuneihna kan chang tawh lo a, inthlan lo awm turah hian kan chak a nih chuan ram pumah scheme hrang hrang kan thawhte pawh kan kalpui ve nghal dawn a niî, tiin a sawi.