Ramchhung Lawrkahwm

Mumbai-a helicopter tlaah mi pahnih thi

Mumbai khawdaiah nimin khan helicopter a tla a, mi pahnih an thi.

ëRobinson R44í helicopter hi Goregaon-a Aarey Colony-a Filter Pada bialah a tla a, pilot leh hmeichhe pakhat an thi a, mi dang pali in hliam an tuar. Hliam tuarte hi Mumbai-a SevenHills Hospital-ah hruai nghal an ni. Helicopter thla hi a kan zui avangin kangṭhelh motor pathum hmangin ṭhelh an ni.

Sushma Swaraj-i kal an thlak sak

External Affairs Minister Sushma Swaraj-i chu kar kalta Inrinni khan AIIMS, New Delhi-ah a kal (kidney) thlak sak a ni.

Kum 64 mi, Swaraj-i hi AIIMS Director MC Mishra, Dr VK Bansal, Dr V Seenu leh kal lam thiam bik, Sandeep Mahajan-teín darkar nga chhung an zai a, Intensive Care Unit (ICU)-ah nekawl mek a ni. Swaraj-i hi zunthlum a neih rei tawha a kal thlitfim a ngaih avangin November 7 khan damdawi-inah hian dah luh a ni a, doctor-teín a kal thlak a ngaih tih an sawi ta a ni. A kal thlakna petu hi an chhungkaw pawn lam mi a ni a, puanzar a ni lo.

President Mukherjee-a’n kum 81 a tling

President Pranab Mukherjee chuan nimin khan kum 81 a tling a, hruaitu hrang hrangten lawmpuina an hlan.

Prime Minister Narendra Modi chuan a twitter-ah President pian≠cham lawmpuina thu hi a ziak a, President Mukherjee chuan thil dang aia ram ṭhatna dah pawimawh bertu a nih thu leh, ani anga mi inchhiar zau leh fing President a nei chu India-in a chhuang hle a ni, a ti. Union Minister Venkaiah Naidu, Kiren Rijiju, Piyush Goyal leh hruai≠tu dangten President hi lawmpuina an hlan bawk.