Kenya-ah fuel tanker a chesual

Kenya rama Naivasha khaw daiah kar kalta Inrinni zan khan fuel tanker a chesual a, nasa takin a kang zui bawk. Tanker chesual avang hian mi 33 an thi.

National Disaster Unit hotu Pius Masai chuan tanker hian Nairobi-Nakuru highway-ah motor dang suin an kang zui ta niin a sawi. Kangmei chhuak hian kawngpuia motor 11 zet a mankai a, heng zingah hian khualzin phur minibus leh police truck pawh a tel.

Police leh mita hmutute chuan fuel tanker hi Uganda registration plate hmang a nih thu an sawi a, a tlan chak hle a, speed bump a thlenin a driver chuan a motor hi a thunun zo ta lo a, motor dangte a su ta niin an sawi. Motor chetsualna thleng vang hian mi 33 an thih bakah, mi dang 50 in hliam an tuar bawk. Hliam tuarte hi Naivasha dam≠dawi-inah hruai nghal an ni.

Nairobi-Nakuru highway-ah hian chetsualna liantham a lo thleng tawh a, kum 2009 khan petrol tanker let-a petrol bua ruta mi tam tak an awmkhawm laiin kangmei a chhuak phut a, mi 100 chuang thiin mi dang 200 velin hliam an tuar a ni.