Malaria do let nan dollar tld 18 mamawh

Health Ministry-in a chhut danin, India rama malaria hri leng do letna atan dollar tluklehdingawn 18 mamawh a ni a, he natna hri hi kum 2030-ah do rem hman tum a ni.

Africa ram tih loha India hi malaria hri tamna ber a ni. Kum 2000-ah malaria hri vei nuai 20 hmuhchhuah an nih laiin, kum 2014-ah chuan he natna vei hi nuai 7.5 ah a tlahniam tawh. Kumin chhungin malaria vanga thi mi 188 chhinchhiah a ni tawh bawk.

Sorkarin a tarlan danin, National Framework for Malaria Elimination atan hian dollar tluklehdingawn 18 mamawh a ni. He programme hnuaiah hian thingtlang bial hrang hranga healthcare infrastructure tihchangtlunna tur te, khawpui huam chhunga sanitation and sewage infrastructure tih ṭhatna tur te, damdawi sem te, faina leh hriselna lama thingtlang dinhmun chawisanna te, healthcare worker dahna turte a tel. Sorkar chuan awareness campaign neihna turin sum tam tham tak dah a tum bawk a, damdawi thar siamna tur pawh a ruahman tel bawk.