Mamata chungchanga BJP hruaitu thusawi dem

Trinamool Congress chuan an party hruaitu leh West Bengal Chief Minister Mamata Banerjee chung≠changa BJP hruaitu pakhatin ṭawngkam mawi lo taka a hmang chu an dem tih an sawi.

TMC secretary-general Parth Chattejree chuan Mamata chungchang a sawinaah West Bengal state BJP president Dilip Ghosh-aín ṭawngkam chhe tak a hmang chu an ngai≠thiam lo tih a sawi a, hetiang ṭawngkam hi hmang tawh lo tura an phut thu a sawi bawk. Trinamool hian sorkar laipuiin pawisa note lian pahnih a tih thih avangin ni thum chhung lungawi lohna lantir an tum bawk.

Chatterjee chuan Ma≠mata Banerjee hian lungawi lohna hi ramchhung hmun hrang hrangah lantir zel a tum tih a sawi a, sorkarin a thutlukna siam hi a sut hma chuan tumahin Banerjee chu an dang thei lo ang, a ti.

Pathianni-a West Midnapore district-a BJP youth wing meeting-ah, state BJP President Dilip Ghosh chuan Mamata Banerjee chu pawisa note tih thih chung≠chang a sawisel avangin a rilru a buai zo ta niin a sawi a, Ganga luia a zuan thlak maite an ring tih a sawi. Delhi-a Mamata zin chhante a zawt leh bawk. Ghosh chuan Delhi-ah chuan BJP sorkar a awm a, an duh a nih chuan Mamata chu a samah ṭhamin an paihchhuak daih thei a ni, tiin sawi.