INDIA Bloc June 8-ah an ṭhu khawm dawn

Eptu party hrang hrang intelkhawmna ‘INDIA bloc’ hruaitute chu kar leh Thawhṭanni, June 8 hian New Delhi-ah an inhmukhawm dawn. He hunah hian bloc-a tel party 17 aiawhte an tel beisei a ni a, inhmuhkhawmna Constitution Club-ah neih a ni ang.

Tun hnaia assembly election hrang hrang neih zawh taka hnehna an chan loh hnua eptu party hruaitu lute an inhmuhkhawm hmasak berna tur a ni. BJP hmachhawn dan tur kawng zawn leh opposition-te inpumkhatna lian zawk siam chu an tum ber a ni. Party hruaitu pakhat chuan, “BJP hian vote 37% chauh an hmu a, a dang 63% voter dang an ni a, opposition party hrang hrang aiawhte kan ni tih hi hriat nawn fo a ngai a ni,” tiin a sawi.

Inhmuhkawmnaah hian Trinamool Congress (TMC) president Mamata Banerjee leh party general secretary Abhishek Banerjee-te pawh an tel ngei a rinawm. Tun hnaia West Bengal Assembly election-a an chak loh hnuah Mamata hian Congress hruaitute nena inbiakna neiin inremna lian zawk siam a tum niin report a awm bawk.

Ṭhutkawmah hian Jammu and Kashmir chief minister Omar Abdullah leh Jharkhand chief minister Hemant Soren-te pawh an tel beisei an ni. Hetih lai hian Aam Aadmi Party (AAP) erawh chu he bloc lakah hian an inhnukdawk tawh thung a ni.