Pawisa note thi vanga harsatna tawkte ei tur sem

Delhi sorkar chuan pawisa note tih thih avanga harsatna tawk mek mi retheite tan nimin khan ei tur a thlawnin a sem.

Delhi deputy chief minister Manish Sisodia chuan, pawisa note thiin a nghawng mi rethei te chu rilṭama an thih mai loh nan sorkar chuan hma a la a, ni khatah chaw vawi thum an ei theihna turin ruahmanna hi siam a ni, a ti. Ei tur hi Delhi khawpuia hmun 10-ah sem a ni.

Prime Minister Narendra Modi-aín Rs 500 leh Rs 1,000 note tih thih a nih thu a puan aṭangin thla khat a tling tawh a, mahse sorkar laipui chuan pawisa lakchhuah theih chin bi≠thliah a siam avangin mi tam takin sum lamah harsatna an la tawk reng a ni. Bank
aṭanga pawisa lakchhuah tum intlar an la tam a, ei tur leh mamawh dang leina daih la chhuak thei lo mi tam tak an awm mek.

Delhi Chief Minister Arvind Kejriwal-a chuan pawisa note thi chu mi retheite harsatna belhchhahtu niin a sawi. Sorkarin pawisa a tih thih tur hi BJP hruaitu leh mi ṭhenkhatten an lo hre ru lawk a, hei vang hian an buai phah ve lo a ni, a ti. Bank-a pawisa deposit zat chungchangah pawh report dik lo a awm tih sawiin, ìJuly-September thla chhung khan ṭum dang ang loin bank-ah sum deposit hi a tam tham hle. Heng pawisate hi tu te ta nge ni?î a ti.