Yasin Bhatkal leh mi dang pali thiam loh chantir

Hyderabad court chuan kum 2013-a Dilsukhnagar-a bomb tihpuah thubuaiah, Indian Mujahideen (IM) co-founder Yasin Bhatkal leh mi dang pali-te chu thiam loh a chantir. Tun
ṭum hi IM member thiam loh chantir an nihna hmasa ber a ni.

Kum 2013, February 21-a Hyderabad-a Konark leh Venkatadiri theatre bula bomb pahnih tihpuah vang khan mi 16 in nunna an chan a ni. He pawikhawihna thleng vang hian kum 2013 khan Bhatkal hi man a ni.

Bhatkal hi Karnataka hmarlam, Udupi district-a Bhatkal khaw mi a ni. Ahmedabad, Surat, Bangalore, Pune, Delhi leh Hyderabad-a firfiakte pawikhawihna kaihnawih hrang hrangah inhnamhnawiha puh a ni bawk.

IM hi kum 2009, June 22 khan dan pawnah hnawl a ni a, he pawl hi kum 2007-a Varanasi, Faizabad leh Lucknow-a bomb tihpuahnaah te, 2006-a Varanasi-a bomb tihpuahah te, hemi kum veka Mumbai-a
ṭum eng emaw zat bomb tihpuahna leh, Hyderabad-a kum 2007-a ṭum hnih bomb tihpuahnaah a inrawlh niin National Investigation Agency (NIA) chuan a sawi.