Airport aṭangin Rs vbch 60 man tawh

Rs 500 leh Rs 1,000 note tih thih a nih hnuah ramchhunga airport lian 10 aṭangin pawisa note hlui cheng vaibelchhe 60 chuang man a ni tawh. Hei bakah hian rangkachak kg 245 man a ni tawh bawk.

Heng pawisa leh rangkachakte hi November 10 hnu lama Central Industrial Security Force (CISF) leh Income Tax department-a intelligence unit-teín Delhi, Mumbai, Kolkata, Guwahati, Chennai, Patna, Ahmedabad, Nagpur, Dimapur leh Pune airport-a an man te a ni.

Delhi airport-ah chuan November 10 - December 6 inkar khan pawisa hlui, cheng vaibelchhe 6.23 leh rangkachak kg 19.409 man a ni.

Mumbai-ah chuan November 15 - December 8 inkar khan cheng vaibelchhe 18.32 leh rangkachak kg 90.4 man a ni bawk.

Kolkata-ah Rs vbch 5.65 leh rangkachak kg 25.463 chu, November 16 - December 8 inkar khan man a ni a, Chennai airport-ah December 8 leh 9 khan Rs vbch 6.05 leh rangkachak kg 109 man a ni.

Guwahati airpot-ah November 15- December 8 inkar khan Rs vbch 69.14 man a ni a, Patna-ah November 19 - December 1-ah Rs vbch 1.33 man a ni bawk.

Ahmedabad-ah Rs vbch 3.14 leh rangkachak gram 800 chu November 19 - December 4 inkar khan man a ni a, Nagpur-ah November 24 - December 2 chhungin Rs vbch 11 man a ni. Hemi hun chhung vek hian Dimapur airport-ah Rs vbch 3.5 man a ni.

Pune-ah pawh December 7 - December 11 inkar chhungin Rs vbch 4.02 leh rangkachak kg 11 an man.