Central Vista : Parliament building thar sak hna ṭan ta
Central Vista redevelopment plan hnuaia Parliament building thar sak tur chu nimin khan khan hna thawh ṭan a ni ta.
Prime minister Narendra Modi chuan nikum December 10 khan Parliament building thar sakna tur lungphum hi a lo phum tawh a ni. Building thar hi India zalenna champha vawi 75, kum 2022-ah zawhfel hman tum a ni a, 2022 Parliament monsoon session chuan building tharah neih hman turin sorkar chuan a ruahman.
Building thar hi cheng vaibelchhe 971 senga sak a ni dawn a, Tata Projects Ltd. in a sak hna hi a thawk dawn a ni. Tuna Parliament building hman mek hma lamah a thar hi sak a ni ang. Central Vista project hnuaiah Parliament building thar sak bakah, Prime Minister Residence, Prime Minister Office, Vice-President Enclave leh Rashtrapati Bhavan leh India Gate inkar km 3-a thui Rajpath-te pawh thuam ṭhat an ni ang.