UN emergency fund-ah dollar nuai nga pe dawn

Sorkar laipui chuan UN Central Emergency Response Fund (CERF) hnenah dollar nuai nga a pe dawn.

India Permanent Mission to the UN-a counsellor, Anjani Kumar chuan kum 2016-2017 atan India-in dollar nuai nga a pek tur thu hi a sawi a, India-in fund atana sum a pek tawh zawng zawng chu dollar maktaduai ruk a ni tawh tih a sawi bawk.

Kumar chuan khawvel hmun hrang hrangah harsatna tawk, ṭanpui ngai an pung zel tih a sawi. Heng mite ṭanpui hna hi rang taka thawh a ngai a, hnathawh tur hi tikhawtlai a nih chuan nghawng ṭha lo tak a nei thei dawn a ni, a ti.

Afghanistan, Maldives, Nepal, Somalia, Sri Lanka leh Yemen rama khuarel chhiatna, tsunami, lirnghing leh thlipui tuartu harsatna tawkte tan India chuan chhawmdawl hna a lo thawh thawh thu a sawi.

CERF donor tam zawk hi sorkar an ni a, foundation, company, charity leh mimal aṭang pawhin puihna an dawng ṭhin bawk. Kum khat atana a target chu dollar maktaduai 450 a ni. Kum 2006 aṭang khan ram 92-a mi maktaduai tel ṭanpui hna thawhna tan dollar tluklehding≠awn 3.7 a hmang tawh a ni.