Pawisa tih thih hi mi retheite laka indo puanna a ni : Rahul

Congress vice president Rahul Gandhi chuan sorkar laipuiin pawisa note lian pahnih, Rs 500 leh Rs 1,000 a tih thih chu mi retheite an tuar nasa tih sawiin, sorkar chuan mi retheite lakah indo a puang a ni, a ti.

Uttar Pradesh-a Dadri-a thu a sawiah Rahul Gandhi chuan he thu hi sawiin, Prime Minister Narendra Modi-a kaihhruai sorkar chuan mi rethei zawkten harsa taka sum an thawhchhuah chu mi hausa zawkte tana hman ṭangkai tumin pawisa hi a ti thi niin a sawi.

ìModi chuan in pawisate chu hun rei thei ang ber bank-a hren sak cheu a tum a, hei hi a ṭhianṭha mi hausa tak takten dik lo taka loan an lakte chinfel sakna atan a ti a niî, tiin mipui pungkhawmte a hrilh. November 8 zanlaia pawisa tih thih a nih hnuah PM thusawi chu a danglam fo tih sawiin, a tirah eirukna leh pawisa lem tam lutuk do letna tih a sawi a, a hnuah firfiakte do letna a ti leh a, tun hnaiah digitisation chungchang tiin a sawi leh a ni, a ti.