EAM-in Russia oil policy chungchangah India thlavang hauh

External affairs minister S. Jaishankar chuan Ningani khan Finland-a Kultaranta Talks neih naah thu sawiin, India-in energy mamawh phurhrukna atana Russia oil a lei chungchanga khawthlang ramte sawiselna chungchangah India thlavang hauhin, Europe ralthuamte chuan India lawngte an beih tawh zawk thu a sawi.

Jaishankar chuan khawthlang ram ten an sawiselna chu mahni nihna hriat loh vang leh mahni hmasial vang mai a nih thu a sawi lang a, Europe ram khawi lai mah India ralthuama beih an la nih loh lain Europe ralthuamte erawh chu India beih nan hman a ni thung a ni,a ti. Hei hi tun hnai maia thleng ni loin kum tam tak chhung liam taa thil thleng tawh a nih thu sawiin Europe ramte a sawisel zui a ni.

Russia laka India-in oil a lei chhunzawm chhan sawifiahin, India chuan a tlawm leh lei theih remchang zel chauh oil hi a lei ṭhin tih a sawi. Europe ramte chuan India-in oil a lakna ṭhin Middle East lam oil zawng zawng an hup sak vek vangin, India chu Russia oil lei lo thei lo a nih thu a sawi bawk.

Hei bakah hian kum 2022-a hrekna an hman tirh khan, US pawhin khawvel puma oil man a to thut loh nan Russia oil lei chhunzawm tur hian India chu an lo ngen tih a puangzar. Khawvel hruaitu lian hrang hrangte'n mahni hmasial zawnga thil an kalpui ṭhin chu pawi a tih thu a sawi a ni.