India chu khawvela hriselna lama hmahruitu lian ber a ni : PM Modi

Prime minister Narendra Modi chuan Pathianni khan India ram chu khawvela hriselna lama scheme lian ber kalpuitu a nih thu leh, hei hi sorkar tan thil chhuanawm tak a ni tih a sawi. Sorkar laipui chuan ram chhunga hriselna enkawlna ṭha leh man tlawm zawk, mipui nawlpuia thleng pha tura hnathawh chu an ngaihpawimawh ber a la nih zel thu a tarlang bawk.

Modi chuan tun hnaia social media-a a thuchhuahah, sorkar hmalakna hrang hrang avangin mi rethei leh hna hnuaihnung ber thawkte tan pawh damdawi-in pan leh inenkawlna chu thil harsa a ni ta lo tih a sawi. "Khawvela hriselna lama sorkar flagship programme lian ber, Ayushman Bharat hmanga mi harsa zawkte hnena hmasawnna dik tak sorkarin a thlen thei hi a chhuanawm hle a ni," a ti.

He scheme bakah hian PM Bharatiya Jan Aushadhi Pariyojana kaltlangin damdawi, lung ṭha lo tana hmanrua leh Knee implant-te chu man tlawm zawka hmuh theih a nih tak thu a tarlang. Hei hian chhungkaw tam tak,sum leh pai dinhmun chhe zawkte a chhawk zangkhai hle a ni. Damdawi lam zirna (medical education) tizauin, college leh seat tam tak an siam belh tawh thu leh, hriselna lama thawh hlawk berah India ram an siam dawn tih a tarlang bawk.