PM Modi-an Slovakia tlawh, hruaitute nen inremna thar siam an tum

Prime Minister Narendra Modi chuan nimin khan Slovakia khawpui Bratislava a thleng a, ram pahnih thawh dunna tihchakna turin Slovakia prime minister Robert Fico leh president Peter Pellegrini-te nen inremna pawimawh tak tak an siam. He intlawhna hi kum 1993-a Slovakia-in zalenna a chan hnua India prime minister-in an tlawh hmasak berna a ni.

Slovakia PM Robert Fico chuan PM Modi hnenah hian lawmthu sawiin, India hmasawnna chu ropui a tih thu a sawi. Digitalisation leh Artificial Intelligence (AI) khawvelah India chu ram changkawng zawkte lakah pawh a lian tawh zawk tih a tarlang. Europe ram hrang hrangte tana India hmasawnna chu tluk rual a nih loh zia a sawi lang bawk.

Inkawmna hian ram pahnih inkara sumdawnna, investment, automobile manufacturing, railway development leh innovation hrang hrang a thawhdun zelna kawng a hawng dawn a, Modi chuan intlawhna hian rampahnihte tan hlawkna lian tak a neih ngei a beisei thu a sawi.

PM Modi a thlen hian Slovakia hnam tihdan hmanga lo hmuah a ni a, he ram hian an ngaihhlut zia lantir nan hnam lam leh rimawi hmangin an lo hmuak a ni. He hunah hian 'The Mahadeva Kirtan Project' musical group-te chuan Sanskrit mantras hmangin an lo lawm a, PM Modi pawhin an lo hmuah dan avang hian lawmthu a hrilh bawk.