Mipuite nunphung tihhmasawn chu NDA sorkar thupui a ni : PM Modi

Prime minister Narendra Modi chuan Thawhṭanni khan thuchhuah siamin, an sorkar hmasak aṭanga chhutin, kum 12 chhung khan NDA sorkar chuan mipui nawlpui nunphung leh khawsak tihhmasawn chu a thupui ber a lo ni tawh ṭhin tih a sawi. Sorkar hmalakna hrang hrangte chu mipuite tana remchang siamsak leh nitin nuna an phurrit tihkiamsakna tur vek a ni tih a tarlang.

PM Modi chuan X-a thuchhuah siamah, sorkar chuan hmasawnna chi hrang hrang, a bik takin infrastructure ṭha, vantlang tana chhawr tlak public service, inenkawlna ṭha leh man tlawm, zirna ṭha leh khawpui fai zawk siam chu an ngaihpawimawh ber a ni tih a sawi. Heng hmalaknaten mipuite tana awlsamna a thlen chu lawmawm a tih thu a sawi.

Sorkar flagship platform 'MyGov India' tarlan danin, PM Modi hruaina hnuaiah hian India ram a middle class chhungkuate khawsakna pawh a sang chho hle bawk. Inbiak pawhna (connectivity) lamah nasa takin hma an sawn tih tarlan a ni a, tunah hian ram chungah internet connection nei vbc 1,030 chuang an awm tawh a ni. Internet man tlawm avangin mipuite chuan zirna, hna zawnna leh digital payment-te awlsam takin an hman phah a, hei hian ram hmelhmang a thlak danglam hle a ni.