PM Modi leh Trump ten lawnga thawkte himna chungchang sawi dun

France-a G7 Summit neih mekah prime minister Narendra Modi leh US president Donald Trump te chuan thla 16 hnua a vawikhatna atan bilateral meeting an nei a, he hunah hian PM Modi chuan tuipui lama thawktu (seafarers) India mite thihna thleng ṭhin leh an himna chungchangte a thlen. President Trump pawhin India ram chu tu pawhin bei mah se US-in a thlawp tlat tur thu leh a venhim tur thu a lo tiam ve bawk a ni.

PM Modi chuan khawvel pum tana pawimawh, lawng khalhtu maktaduai tam tak zinga 10% vel chu India mi leh sa an nih thu leh an himna chu India tan thil pawimawh hmasa a nih thu Trump hnenah hian a thlen. West Asia buaina vanga hliam tuar leh thite, a bik takin US sipaiten Gulf of Oman-a vawi hnih ngawt beihna an neiha India lawngpu pathum an thihna chu pawi a tih thu a sawi. Modi chuan US leh Iran inremna thar turah pawh lawng khalhtute himna ngai pawimawh hmasa ber turin a beisei thu a sawi bawk.

India mi lawngpu thite chungchangah Trump chuan a pawi a tih thu sawiin, lawng khalh chu hna hautak tak a nih thu leh an himna kawngah India nen an thawk dun reng dawn tih a sawi. Trump chuan India nen hian inremna thar siam lo mah se, tu pawhin India ram an bei a nih chuan US chuan a ṭanpui dawn a, Modi hruaitu a nih chhung chuan India tan an ding tlat dawn tih a sawi a ni.