PM Modi-an PM-Kisan scheme instalment thar tlangzarh dawn

Prime minister Narendra Modi chuan vawiin hian West Bengal-a Tarakeswar hmun aṭangin Pradhan Mantri Kisan Samman Nidhi (PM-KISAN) scheme hnuaia kuthnathawktute puihna, a ṭum 23-na a tlangzarh dawn. Kuthnathawktu mi mtd 94.4 chuang hnenah Rs 2,000 ṭheuh thawn chhuah a ni dawn a, a vaiin Rs vbc 18,880 hu kuthnathawktute bank account-ah Direct Benefit Transfer (DBT) hmangin thun a ni ang.

Union Agriculture Ministry hotute chuan puihna hmu turte zingah hian hmeichhe kuthnathawktu mtd 2.18 chuang an tel tih an sawi. PM-KISAN scheme hi February 24, 2019-a hman ṭan a nih hnuah kuthnathawktute hnenah Rs vbc nuai 4.46 chuang pek a ni tawh a ni. West Bengal bikah pawh Rs vbc 15,055 chuang sem a ni tawh bawk.

PM hian crop insurance scheme thar, Pradhan Mantri Fasal Bima Yojana (PMFBY) leh Restructured Weather Based Crop Insurance Scheme (RWBCIS) a tlangzarh nghal dawn bawk. He insurance atan hian sorkar laipui leh state sorkar chuan premium subsidy atan Rs vbc 777 vel an tum dawn a ni.