ITLOS Judge atan India mi thlan a ni

Khawvel huap tuipui chungchanga thubuai ngaihtuahna hmunpui, International Tribunal for the Law of the Sea (ITLOS) Judge thlan tharah India mi, Prof. Dr. Bimal N. Patel chu thlan tlin a ni.

Inthlan hi New York-a United Nations (UN) hmunpuiah neih a ni a, member ram vote thlak 168 zingah Patel hian vote 115 hmuin hnehna a chang. Dr. Bimal Patel hi kum 2026 aṭanga 2035 thleng, kum kua chhung ITLOS judge hna hi a thawk dawn a, kumin October 1 hian a hna zawmin, India ram aiawha judge ni lai mek Dr. Neeru Chadha a thlak ang. Tunah hian Rashtriya Raksha University-ah Vice-Chancellor hna a thawk mek a, India National Security Advisory Board-ah a tel bawk.

ITLOS hi kum 1982-a 'United Nations Convention on the Law of the Sea' (UNCLOS) hnuaia din, tuipui ramri leh thil dang zawnga ram hrang hrangte inrem lohna chinfelsak ṭhintu independent judicial body a ni a, judge 21 an awm a ni.