Kum khata Rs. nuai 8 lalut tling lote tan Sorkar hna 10% reserve sak an ni dawn

Union Cabinet chuan kum khat chhunga cheng nuai riat lalut tling lote tana sokar hna lak hrang hranga 10% reservation siam rawtna chu nimin khan a pawm. 

Cabinet-in reservation a pekte hi upper caste 'economically backward'-te an ni a, sorkar hna lak hrang hrangah 10% a hauhsak ṭhin dawn a ni. Economically backward bakah hian chhungkaw khat aṭanga kum khat chhunga cheng nuai riat lalut tling lote a huam dawn bawk a, nghawng a nei lian hle tura ngaih a ni. 

Hei bakah hian zirna sang zawk chhunzawmna tura seat hausak thelngin a huam thei dawn nia tarlan a ni. 

Cabinet thuchhuak hi sorkar laipui chuan nimin khan a puang a, ram chhung hmun hrang hrang a dengchhuak hneh hle a ni. He bill hi India danpui Article 15 & 16 tlawhchhana siam a ni a, cabinet-in a pawmpui tak avangin a taka kalpui thuai a ni ang.