Rijiju vangin Rajya Sabha inkhawm titawp

Union Minister of State for Home Kiren Rijiju-a chhungkhat hnai tak pakhat chu, Arunachal Pradesh-ah cheng vaibelchhe 450 man, hydel power project sum tihchingpennaa inhnamhnawihah puh a ni a, he thil vang hian Nilaini-a Rajya Sabha rorel inkhawm chu ṭum hnih tihtawp a ngaih phah.

Rorel inkhawmah eptute chuan Rijiju chu a thuneihna dik lo taka hmangah an puh a, BJP member-teín Rijiju thlavang hi hauhin member-te hi an inaubuai zui a ni. Question Hour-ah eptu member-te chuan minister laka lungawi lohna thu an au pui chhunzawm zel avangin chairman Hamin Ansari chuan inkhawm a titawp a ni.

Chawhnu dar 2-a rorel inkhawm chhunzawm a nih leh hnuah pawh eptute chuan Rijiju sawisela an au buai zel avangin tihtawp a ngai leh a ni. Rijiju erawh chuan an puhna hi thudik lo niin a sawi thung.