A fanu-te inneih lawm nan mi 90 hnenah in sem

Maharashtra-a Aurangabad district-a sumdawng hausa, Ajay Munot chuan a fanu pasal neih lawmna pakhat atan mi rethei 90 hnenah an chenna tur in a sem.

Munot hi thawmhnaw leh wheat-a sumdawng a ni. In a semte hi a ram acre 2-a zauah a sa a, chhungkaw 40 chu an in tharah hian an insawn lut nghal a, midang pawh an luh belh thuai rin a ni. He in dawng tur hian mi rethei, slum area-a cheng leh ruihtheih thil lam ti lo an thlang tih an sawi. Munot chuan a fanu inneih lawmna ropui taka buatsaih ai chuan hetianga tih hi a duh zawk tih a sawi a, a fanute nupa pawhin a ruahmanna hi an thlawp thu a sawi bawk.