IT department-in hmun 586 an dapnaah Rs vbch 2,900 an man

Sorkar laipuiin November 8-a pawisa note sang pa≠hnih a tih thih hnua Income Tax department-in hmun hrang hrang a dapnaah cheng vaibelchhe 2,900 chuang a man tawh.

IT department-in hmun 586 an dapna aṭangin pawisa faiin cheng vaibelchhe 300 chuang an man a, heng zinga cheng cheng vaibelchhe 79 chu pawisa note thar, Rs 2,000 note a ni.

Tamil Nadu aṭangin an man tam ber a, Chennai khawpui an dapnaah cheng vaibelchhe 100 chuang an man a, rangkachak Rs vbch 52 hu an man tel bawk.

Delhi-a lawyer pakhat firm aṭangin pawisa faiin Rs vbch 14 man a ni a, he lawyer hian October thla khan a sum lakluhna a puanzar loh Rs vbch 125 a neih thu a lo sawi tawh a ni. Tax official-te chuan a bank account an enfiahnaah, a account neih a puanzar loh aṭangin Rs vbch 19 an lo man tawh bawk.

Pune-a Bank of Maharashtra-a locker 15 chu mi pakhat hman a nih thu hriatchhuah a nih hnuin, IT chuan heng locker aṭang hian pawisa faiin Rs vbch 9.85 an man. Rs vbch 8 chu Rs 2,000 note-a dah a ni a, a dang chu Rs 100 note a ni. IT department hian Pune an dapnaah hian Rs vbch 10.80 an man a ni.