Ramchhung Lawrkhawm

Khawvela ram 40% jail-ah India mi tang awm

Ministry of External Affairs (MEA) data-a a lan danin, khawvela ram hrang hrang 40%, ram 79 jail-ah India mi tang pakhat tal an awm.

MEA data chuan November thla≠ah khan ram 79-a jail-ah India mi tang 6,489 an awm tih a sawi a, heng zinga ram 42-te chu India-in tang inthlengpuina tura inremna, Treaties for Transfer of Sentenced Persons a ziahpuite an ni. Tang 6,489 zinga 50% te hi West Asia ram paruka tang an ni a, mi 45-te chuan an tan hun hi an tlak tawh a, chhuah zalen an nih hun an nghak mek a ni.

Damdawi-inah Karunanidhi dah lut leh

Tamil Nadu eptu pawl, Dravida Munnetra Kazhagam (DML) President M Karunanidhi chu a hrawk leh chuap lam ṭha lo avangin Ningani zan khan Chennai-a Kauvery Hospital-ah dah luh leh a ni.

Thuchhuah siamin, hospital chuan Karunanidhi chuan thawk lamah harsatna a nei tih a sawi a, doctor thiam rual≠ten an enkawl a, ngaihtuahawm a ni lo tih a sawi. December 1 khan hydration vangin damdawi-inah dah luh a ni tawh a, December 7 khan chhuahtir a ni.

Judge-te hlawh tisang dawn

Supreme Court leh High Court judge-te hlawh chu tihsan a ni dawn.

Chief Justice of India TS Thakur chuan judge-te hlawh tihsanna tura judgesí committee report chu sorkar laipuiah a thehlut. Committee chuan judge-te hlawh hi 300% chuanga tihsan a rawt a ni. Chief Justice of India hian thla khatah Rs nuai khat a hlawh a, sorkar chuan Rs nuai 2.8-a tihsan a rem ti. Supreme Court judge-te hlawh, Rs 90,000 pawh Rs nuai 2.5-a tihsan a remti a, High Court judge hlawh, Rs 80,000 chu Rs nuai 2.25-ah tihsan remtih a ni bawk. Judge-a house rent allowance tihpun rawtna erawh chu sorkarin a remti lo.