Nusli Wadia-an Tata Sons lakah thubuai thehlut

Industrialist Nusli Wadia chuan Bombay High Court-ah Tata Sons lakah intihhmingchhiatna thubuai a thehlut a, Tata Group company pathum-a independent dirrector a nihna aṭanga paihthlak an tum vang≠in cheng vaibelchhe 3,000 chawi turin a phut.

Wadia hian Tata Sons bakah company chairman, Ratan Tata leh director-te lakah thubuai hi a thehlut a ni.

Tata Sons hi October 24-a chairman aṭanga Cyrus Mistry an ban avangin boardroom lamah pawh an la buai hle nia sawi a ni. Mistry ban a nih hnuah, Wadia hian Mistry hi a ṭan nia sawiin, company board hotu a nihna aṭanga ban an tum ve leh a ni. Hei bakah hian Tata Motors leh Tata Steel hnenah pawh Wadia hi board member
aṭanga ban turin Tata Sons chuan a hrilh bawk.

He thil thleng vang hian Wadia group chairman November 21 khan amah tihhmingchhiat tuma puhin Tatas lakah hian hriattirna a pe a, an puhnate chu sut nghal turin a phut bawk. Mahse hriattirna ṭum hnih an dawn hnuah pawh Tatas hian Wadia an puhna hi a hnukdawk duh lo a, hei vang hian Ningani khan Wadia chuan court-ah thubuai hi a thehlut a, cheng vaibelchhe 3,000 chawi turin a phut bawk a ni.