India leh UAE in defence-a thawh dunna thlirlet

India leh United Arab Emirates (UAE) chuan Ningani khan New Delhi-ah thawh dunna thuthlung ‘Strategic Defence Partnership Framework’ hnuaia hmasawnna hrang hrangte an thlirlet. He inremna hian venhimna lama indawr tawnna thuk zawk leh ralthuam siam chhuah lama thawh dunna thuk zawk neihna tur a huam a ni. Thlirletna hi Joint Secretary (International Cooperation) Amitabh Prasad leh UAE Staff Brigadier Jamal Ebrahim Mohamed Ebrahim Almar-Zooqi ten an kaihruai a ni.

UAE hian India-a siam ralthuam changkang, BrahMos supersonic cruise missile leh Akashteer air defence system-te lei an duh thu an lo sawi tawh a, hemi chungchanga inbiakna an nei bawk. Tun hnaia West Asia biala ralthuam hmanga inbeihna nasa tak thlengah an ram venhimna leh boruak lam aṭanga bitum theih thila an himna ṭha zawk an duh vangin ralthuam lei hi an duh tih an sawi.

India leh UAE hian kumin May thlaa PM Narendra Modi-a’n Abu Dhabi a tlawh ṭumin venhimna lama thawh dunna tur thuthlung hi an lo ziak tawh a ni. He inbiakna hi chak taka hma lak a nih bakah, inremna hi a hlawhtling chho zel a nih chuan India ralthuam ram danga hralh chhuah kawngah kawng thar pawimawh tak a ni dawn a ni.