Police-in ‘Project Hawk Eye’ hnuaiah Amarnath Yatra hmanna tur enfel

Hindu kut Amarnath Yatra him taka neih a nih theih nan Jammu and Kashmir-a Anantnag district police-te chuan 'Project Hawk Eye' an tih, hmun hma thawm ṭhatna leh venhimna khauh tak an kalpui ṭan.

He project hnuaiah hian boruak aṭanga vil zui rengna 'aerial surveillance' atan drone panga chu hmun pawimawhah dah a ni a, drone-te hian thil thleng hrang hrangte thlithlaiin hmun leh hmunah thlalak fiah tak an thawn let thei a ni. Hemi atan hian lei lam aṭanga vilna, hmun hla thlithlai theihna 'Machan Morchas' 'elevated observation post' 28 chu hmun hlauhawm leh lar deuh hnaihahte dah chhuah a ni bawk.

Yatra neihna kawngpui dungah CCTV camera fiah chi (high-resolution) 416 leh hmel hriat hran theihna 'Facial Recognition System' (FRS) dah a ni bawk. Hei bakah hian thil thleng thut laka inring reng tur sniper team 22 zet chu hmun pawimawh laiah te dah an ni. Police hotute chuan he 'Project Hawk Eye' hmang hian boruak leh lei lam aṭangin biakzina kalte himna chu an vil uluk hle dawn tih an sawi.