Maharashtra-ah NRC kan hmang ve lo ang : CM Thackeray

Maharashtra chief minister leh Shiv Sena party president ni bawk, Uddhav Thackeray chuan an state-ah National Register of Citizens (NRC) an hman ve dawn loh thu sawi mah se, Citizenship Amendment Act (CAA) erawh a thlawp thu, interview a neihnaah a sawi.

CM Uddhav chuan CAA hi India khua leh tui nihna laksakna a ni lo a,  kan ram ṭhenawma sakhuana avanga tihduhdahna tuartute ṭanpuina leh India khua leh tui nihna pekna a ni. Hindu leh Muslim-te tana khua leh tui nihna pek ve ve chu thil har tak a ni a, ka remti ngai lo ang, a ti.