Vur sur nasa vangin Kashmir tlawh pawh theih loh

Jammu and Kahmir-ah vur a sur nasat avangin kar kalta Inrinni khan Kashmir chu ramchhung hmun dang aṭanga tlawh pawh theih lohin a awm.

Zirtawpni zan aṭang khan vur hi a sur nasa hle a, Inrinni thlengin a sur chhunzawm a ni. Kum eng emaw chen hnuah Kahmir-a vur tla a nasat ber ṭum zinga mi nia sawi a ni. Inrinni zing khan hmun ṭhenkhatah vur sur hi a chhah lam inches 17-te a tling a, Srinagar-Jammu National Highway leh road link dangte khar a ngaih phah a ni. Vur sur nasat avang hian thlawhtheihna service pawh tihtawp a nih phah bawk.