Bird flu vangin Bihar-ah ar suat

Bihar-ah bird flu leng vangin ar eng emaw zat suat an ni. 

Tunhnaiah ar leh sava lam chi eng emaw zat chu thia hmuh an ni a, Bhopal-a National Institute of High Security Animal Disease in bird flu, H5N1 vanga thi an ni tih a finfiah hnuah ar suat hna hi thawh nghal a ni. 

Official-te chuan Munger district hnuaia block pahnihah bird flu darh zel tur venna atan hian ni hnih chhungin ar 2,000 suat a ni tih an sawi a, ar dang 15,000 pawh suat tum mek an ni tih an sawi bawk. 

Kar hmasa khan Bihar khawpui, Patna aṭanga km 20 vela hla, Andhra Chowki khuaah ar 3,000 vel an thi a, Patna district-a Masaurih block leh Gaya district-a Shergati-ah pawh ar leh sava eng emaw zat an thi bawk.