EAM S. Jaishankar ram 6 tlawhin zin chhuak

India external affairs minister (EAM) S. Jaishankar chuan nimin, Pathianni khan ram paruk tlawh kual turin a zinchhuak ṭan a, heng ram hrang hrangte nen hian indawrna thuk zawk neih a tum a ni.

Ministry of External Affairs (MEA) tarlan danin, Jaishankar hian nimin aṭanga July 10 chhung hian Gulf ram pali—Qatar, Bahrain, Kuwait leh Oman te a tlawh hmasa phawt ang. Hemi hnu hian New York-ah a kal leh dawn a, July 13 khian kum 2028-29 chhunga India ram UN Security Council (UNSC) non-permanent seat neih tura campaign a hawng nghal ang.

Jaishankar zinna hun tawp lamah hian Brussels, Belgium a tlawh leh ang a, a cham chhung hian vawi thumna turin India-EU Trade and Technology Council (TTC) ṭhutkhawmah a tel dawn a ni. MEA chuan he ram paruk tlawh turah hian ram hrang hrangte nena thawh hona tihchangtlung tur leh, khawvel leh bial chhunga thil thleng pawimawh hrang hrang sawi hona hun a hmang dawn tih a tarlang bawk.