Chhattisgarh-ah hmeichhe chawikan nan Rs vbc 626 sem chhuak

Chhattisgarh sorkar chuan hmeichhiate sum leh pai lama an dinhmun tihziaawmna turin, Inrinni liamta kha state flagship program Mahatri Vandan Yojana(MVY) 29th Installment atan Rs vbc 626.35 chu hmeichhe nuai 66 chuang hnenah sem chhuah a ni. Chief minister Vishnu Deo Shai chuan a chennain aṭangin Direct Benefit Transfer hmangin pawisa hi a thawn chhuak a ni.

He state flagship hmanga vawi 29 sum sem chhuahah Rs vbc 18,805.83 chuang sem tawh niin, CM Sai chuan flagship katlanga hlawkna teltu zawng zawngte a lawmpui thu leh he hmalakna kaltlanga danglamna nasa tak thleng chu lawmawm a tih thu a sawi. Sai chuan MVY hi hmeichhiate economic empowerment pekna ṭha tak leh an dikna a nih thu sawiin, state sorkar pawh hemi hlawhtlinna atana inhuam thuk hle thu a sawi.

MVY hi kum 2024 March 1 aṭang khan kalpui ṭan niin, state chhunga hmeichhia, pasal nei tawh kum 21 chung lamte puihna turin thla tinin Rs 1,000 ṭheuhin pawisa hi sem chhuak ṭhin a ni. He scheme hian hmeichhe hmasawnna nasa tak thlenin, hriselna leh sum tlakchhamna nasa lutuk turte a chhawk zangkhai phah tih sorkar chuan a tarlang.