Germany-in India-ah euro tld 1 hu invest

Ni hnih chama India rama rawn zin, Germa­ny Chancellor Angela Merkel chuan India-in enviroment lama hma a sawn theih nan India-ah Germany-in euro tluk­lehdingawn khat invest­ment a tih thu a sawi.

Germany-in India rama environ­ment lama investment a rawn tih hi kum nga chhung atan a ni a, kar kal ta Inrinni khan New Delhi-a Lok Kalyan Marg-ah prime minister Narendra Modi nen an inkawmnaah he thu hi a sawi a ni.  

Hemi bakah hian Tamil Nadu-a bus thuam ṭhat a nih theih nan euro maktaduai 200 chu, Germany-in pawisa an pek thu Merkel chuan a sawi bawk. 

Delhi/ National Capital Region (NCR) a boruak bal chungchangah pawh tih ziaawm a nih theihnan Merkel chuan, motor-a diesel hman ṭhin chu electric tha chakna hmanga thlak turin PM Modi chu thu a rawn. Heng bakah hian Merkel chuan healthcare, agriculture leh artificial intelligence lamahte India chu Germany-in a thawhpui hreh loh thu a sawi bawk a ni.