5th IISF-2019 an ṭan dawn
India International Science Festival (IISF) vawi ngana chu naktuk aṭang hian West Bengal khawpui Kolkata-ah ṭan a ni dawn.
IISF hian ni li chhung a awh dawn a, Guinness World Records pali- largest astrophysics lesson and assembly of spectroscopes, largest electronics lesson and assembly of optical media communication units at a single location, most people assembling Radio kits leh largest human image of a human chromosome-te siam tum a ni dawn.
Largest astrophysics lesson and assembly of spectroscopes hi a ṭanniah hian buatsaih tum a ni a, hetah hian zirlai 1,750 vel an tel beisei a ni. Largest electronics lesson and assembly of optical media communication units at a single location-ah hian zirlai 950 vel an tel dawn a, most people assembling Radio kits-ah hian zilai 400 vel an tel dawn bawk. Largest human image of a human chromosome-ah pawh hian zirlai 400 vel an tel ang. IISF hi khawvela science festival lian ber a ni a, kumin hian thupui atan RISEN India –'Research, Innovation and Science Empowering the Nation' tih an hmang dawn a ni.
Kum 2015 aṭang khan Science & Technology-related Ministries and Departments of the Government of India leh Vijnana Bharati (Vibha) ṭangkawpte chuan an buatsaih ṭan a, kuminah hian rampawn leh ramchhung aṭangin mi 12,000 vel an tel beisei a ni.