India leh Uzbekistan-in MoU pathum ziak
Union defence minister Rajnath Singh leh Uzbekis-tan defence minister Major General Bakhodir Nizamo-vich Kurbanov-te chuan Military Medicine leh Military Education-a ram pahnih thawhdunna tur Memorandum of Undestanding (MoU) pathum an ziak.
Rajnath Singh hi November 1 khan Uzbekistan hi thlengin, kum 15 chhunga India Defence Minister, Uzbekistan-a zin hmasa ber a ni. Ram pahnih defence minister-te hian defence lama thawhdunna ṭah neih chhunzawm zel an remti a, Rajnath Singh hian Maj. Gen Kurbanov hi India ram tlawh turin a sawm zui bawk.
India-Uzbekistan Joint military Exercise neih an remti nghal bawk a, heihi vawiin aṭang hian an ṭan anga November 13 thleng a awh ang. Uzbekistan khawpui Tashkent bula Chirchiq Training Area-ah exercise hi an nei dawn a, firfiak beih dan kawng hrang hrangte an zir dawn a ni.