India-UK-in insumdawn tawnna tur CETA-a inremna hmang ṭan

India leh UK ten hun rei tak aṭanga inbiakna an lo kalpui tawh, Comprehensive Economic and Trade Agreement (CETA) chu tihfel niin ram pahnihte hian he inremna hi Nilaini aṭang khan hman ṭan a nih thu an tarlang. Social security agreement pawh nimin aṭang vek khan hman ṭan theih a nih thu commerce and industry minister Piyush Goyal chuan a tarlang.

CETA a rampahnih inremna thar hnuaiah hian India chuan chhiah chawi belh loin British Market-ah huam zau zawkin India bungraw hrang hrang hralh theih ani tawh dawn a ni. Goyal chuan inremna thar chungchang hi sawiin, he inremna hmang hian India leh UK chuan thuk zawkin economic ṭhan lenna turin an thawk dun theih dawn thu social media post kaltlangin a tarlang bawk.

Prime minister Narendra Modi pawhin UK nena inremna thar chungchang hi sawiin, ramchhunga loneitu, kutkawih eizawnna leh MSME bakah sector hrang hrangte chuan UK market-ah hlawk zawkin sumdawnnate hi an kalpui theih phah dawn tih a sawi. He thawh dunna hnuaiah hian technology, professional service and innovation, leh India mi thiamna nei ṭha tak takte tan thawh dunna thuk zawk a thlen thei dawn a ni, a ti.