Air India thlawhtheihna chesual chhuina 'Draft Final Report' October-ah

Kum khat chuang a liam hnuah, nikum June 12-a Air India Boeing 787 Dreamliner Ahmedabad-a a thlawh chhuah hnu lawka chesual zui ta chungchang chhuina, 'Draft Final Report' chu Aircraft Accident Investigation Bureau (AAIB) chuan kumin October hian peihfel a nih tur thu Supreme Court a hriattir. He chhiatna thleng chungchang chhuina hi SC chuan kar ruk chhunga zofel hman turin a lo hrilh tawh a ni.

Supreme Court-ah he chhiatna thlen chhan chhuina report chungchang hi ngaihtuah a ni a, investigator-te chuan draft final report chu buaipui mek a nih thu leh, thla thum chhungin peihfel hman an beisei thu court hi an hriattir. Justice U.U. Lalit leh Justice Ajay Rastogi-te hmaah sorkar chuan accident chhuina hi zawh thawkhat a ni tawh tih sawiin, thurawn leh sawisel duh neite tana ni 60 hun hawn a nih hnuah, October-ah final report hi thehlut thei tura inrin a nih thu a tarlang.

Air India thlawhtheihna chetsualna thlengah hian mi 260 an thi a, AAIB director general chhuan chhiatna thleng chhuina kalpui mekah hian evidence lakkhawm, technical examination, leh forensic examination-te kalpui mek a nih thu a sawi.