Delhi sorkarin 'Smart Ration Card' kalpui dawn

Delhi sorkar chuan ration sem danah langtlang leh felfai zawk mipuiten an neih theihna turin 'Smart Public Distribution System' , Smart-PDS chu kalpui an tum thu a tarlang. He hmalakna kaltlang hian ration-card service leh buhfai semte chu online hmanga kalpui tum a ni a, he project hmang hian Public Distribution System langtlang leh ration card dik lo, dan loa inziah luh, black market leh subsidy lak pen dante a hriat zung zung theih tawh dawn a ni.

Ruahmanna thar hnuaiah hian mipui ration la ṭhinte chuan an ration dawn tur chungchang chu awlsam takin an chhuizui zung zung theih dawn bakah, retailer-te hnen a thlen tawh leh tawh lote, engtika sem chhuah tur nge tih thlengin a hriat theih tawh dawn a ni. Hei bakah ration card holder-te chuan card hnuaia service hrang hrang buaipui ngaite chu sorkar office kal kher loin online-in an buaipui thei tawh dawn a, beneficiary-te chuan card-ah chhungkaw member dah thar ngaite chu document ngaite upload-in awlsam takin a dah belhin an paih thei tawh dawn bawk.

Ration card chu tihthar tur niin, card-ah hian QR code leh digital verification tih theihna turte dah thar a ni dawn a, facial recognition technology pawh tih belh thar tur zingah hian telh a ni bawk. Sorkar chuan QR code, digital record leh biometric verification-te chuan ration card lem leh card hmanga ei tur dawn tihchingpen a nih leh nih lohte a hriat zung zung theih phah dawn tih an tarlang.