India-China inpawhna ṭha leh turin border-a ralmuanna a pawimawh hmasa ber: Jaishankar

India leh China inkara inlaichinna a pangngai leh a aia thuk inzawmna ṭha a awm leh theihna tur chuan ram pahnih inrina, Line of Actual control (LAC) ah remna leh muanna a awm a ngai hmasa ber tih India external affairs minister S. Jaishankar chuan Manila-a meeting an neihnaah China foreign minister Wang Yi a hrilh.

Jaishankar leh Wang Yi-te hi Astana, Kazakhstan-a Shanghai Cooperation Organisation (SCO) Council of Foreign Ministers meeting neih karlakah an inhmu a ni. Ram pahnih inrinaa border issue leh inlaichinna pangngai a awm leh theih dan tur te inpawh takin an sawi dun.

Meeting neih zawhah Jaishankar hian X ah border-a sipai in-ep mek te zawldawh leh muanna siam zawnga indawh tawn a nih loh chuan ram pahnih inkara inbiakna dang te pawh a hlawhtling thei dawn lo tih a tarlang. Ramri dinhmun ṭha lo chuan ram pahnih inlaichinna a tihchhiat zel thu a sawi.

Jaishankar chuan diplomatic leh military channel hrang hrang kaltlanga inbiakna hi chhunzawm zel a ṭul hle tih sawiin, tualchhung dinhmun pangngai a thlen leh hma chuan political leh economic test dang hmachhawn a harsat zual zel tur thu a sawi lang bawk.