Delhi HC-in CJP nawrh huaihawt chungchanga PIL lut ngaihtuah dawn

Delhi High Court chuan nimin khan Cockroach Janta Party (CJP) ten Jantar Mantar-a nawrh an huaihawt leh, 'Chalo Sansad' march neihnaa buaina chhuak chhui tura dilna Public Interest Litigation (PIL) theh luh chu ngaihtuah a remti a,vawiin hian a ngaihtuah ang.

PIL theh luttu, Satish Kumar Aggarwal chuan CJP-te thiltihah hian ram pawn aṭanga sum hmuh, 'foreign funding' leh political party-te inhnamhnawihna a awm nia sawiin, India ram himna khawih pawi thei a nih dawn vangin chik taka chhui a phut a ni. Zirlai buaina satliah a nih loh thu leh, ambulance tlan tur danna, mimal leh sorkar thil tihchhiat, chanchinbumi te beihna leh police-te hliam an nih thu a tarlang. FIR ziak luta National Investigation Agency (NIA), specialised agency hmanga chhui an phut hle thu a tarlang tel bawk.

CJP hian June 20 aṭang khan exam kalphung chhe lutuk siamṭhat a, union education Minister Dharmendra Pradhan-a ban phutin Jantar Mantar-ah pungkhawm hi an lo huaihawt ṭan tawh a ni.