WhatsApp snooping case chungchang ngaihtuah dawn

Congress kaihhruai Parliamentary panel pahnihin WhatsApp snooping case chungchang chu November 15-ah an ngaihtuah dawn thu Congress hruaitu Anand Sharma chuan a sawi. Parliamentary standing committee on home affairs chairman Anand Sharma chuan WhatsApp snooping case chungchang hi ngaihtuah ngei ngei ngai a nih thu sawi langin, parliamentary standing committee on information technology nen he thil chungchang hi November 15-ah an ngaihtuah dawn thu a sawi a, hetah hian Home Secretary pawh a tel dawn tih a sawi bawk.

Panel meeting neih turah hian Home Secretary hian Jammu and Kashmir chunchanga report ṭhenkhat a tarlang dawn bawk a ni. Cybersecurity chungchang hi an agenda-a pawimawh tak a nih thu sawiin, "Panel meeting neih veleh uluk taka zirchian a ni anga, sorkar pawh hemi chungchanga thil fello awmte chu sawihfiah ngei turin kan phut dawn bawk a ni," tiin Parliamentary standing committee on information technology chairman Shashi Tharoor chuan a sawi. Facebook ta WhatsApp hmangtu hi khawvel pumah mi tluklehdingawn 1.5 vel an ni a, chung zinga maktaduai 400 chu India aṭang an ni.