Taj Mahal-ah boruak tih-thianghlimna dah

Boruak balin ziaawm lam a pan hleih theih loh avangin, Pathianni khan India rohlu, Taj Mahal-ah boruak tihthianghlimna chu dah a nih thu thuneitute chuan an sawi.

Uttar Pradesh Pollution Control Board (UPPCB) Regional Officer Bhuvan Yadav chuan India ram rohlu hi boruak balten a tihchhiat lohnan, Taj Mahal thlang lama gate-ah hian boruak tihthianghlimna motor chu dah a nih thu a sawi a ni.

UPPCB chuan boruak tihthiang­hlimna motor hmangin boruak balte chu tihthianghlim hna an thawh thu an tarlang a, darkar riat chhunga cubic metre nuai 15 boruak bal an thenfai theih thu leh metre  300 biala zau an thenfai hman thu an tarlang bawk.

Tunlai hian north India lam boruak a bal nasa hle a, hemi kawnga mipuite hriselna venthawn thilah, hmun hrang hrangah boruak tihthianghlimna chu dah a ni.