Sonam Wangchuk Medanta Hospital aṭangin chhuak fel ta

Climate activist leh educator ni bawk, Sonam Wangchuk chu NEET exam paper leak chungchanga Cockroach Janta Party(CJP) bultuma nawrh huaihawt thlawpna lantir a, tiamchin awm loa a chawnghei a tihtawp hnuah, enkawl a nihna Medanta Hospital aṭangin nimin khan a chhuak fel ta. Wangchuk hi a nupui Gitanjali Angmo in zuiin , Ladakh lam pana an haw hmain Mahatma Gandhi hriatrengna puala siam Rajghat-ah zahna chibai hlanin an kal hmasa phawt dawn a ni.

Wangchuk hian X-ah video post siamin, damdawi-in aṭanga a chhuah theih tawh thu leh a hun hman dan turte hi a tarlang a, Medanta damdawi-ina amah enkawltu doctor leh thawktu dangte chungah lawmthu a sawi nghal bawk. Wangchuk hian Jantar Mantar-a chawnghei nawrh a neih laiin, a taksa a chauh tawh avangin Delhi High Court thupek angin uluk zawka enkawlna pek a nih theihna turin Medanta Hospital-ah hian sawn a ni.

CJP bultuma ni 36 chhung exam paper leak vanga lungawi lohna lantira nawrh huaihawt a nih hnuah, nawrh huaihawt ten an thil phut pui ber, union education minister bang tura an nawrna chu a hlawhtling a ni. Kar liam ta khan eduction minister a nihna aṭangin Dharmendra Pradhan chu a bang a ni.