CM ni lai zingah thubuai nei 45% awm

India rama state leh Union Territory hrang hranga chief minister ni mek zingah thubuai pending lai nei mi 14 an awm a, CM zingah thubuai nei hi 45% an tling.

Association for Democratic Reforms (ADR) zirchianna report tihchhuah tharah, state leh UT 31 CM-te self-sworn affidavit aṭanga an zirchianna aṭangin CM zingah Telangana CM Revanth Reddy chu thubuai kallai ngah ber a ni.

Reddy hian thubuai 89 a nei mek a, heng zinga 72-te chu Indian Penal Code(IPC) hnuaia serious section hnuaia ziah luhte an ni. A thubuai neih zingah hian mi vua, inhuatna chawk chhuak leh mi kutthlaka puhna te pawh a tel. Thubuai 16-te erawh chu lian tham lote a ni.

West Bengal CM Suvendhu Adhikari thu CM zingah thubuai nei ngah pahnihna niin thubuai 29 a nei mek a, Karnataka CM DK Shivakumar chuan thubuai kallai 19 neiin pathumnaah a lang.

Punjab CM Bhagwant Mann; Sikkim CM P.S. Tamang; Odisha CM Mohan Charan Majhi leh Rajasthan CM Bhajan Lal Sharma te chuan thubuai pakhat ṭheuh an nei bawk. CM 14 thubuai nei zinga 11-te hi thubuai rip leh liantham nei niin, an thubuai neihna tam zawk hi mi tham leh vaua puhna te an ni. West Bengal CM Adhikari leh Andhra Pradesh CM Chandrabau Naidu te chuan tualthah tuma puhna thubuai an nei bawk.

Reddy hi thubuai nei ngah ber ni mah se Telangana-a a bial Kodangal chhungah hian vawi thum thlan tlin a ni tawh thung.