DM Rajnath Singh-a'n ICG policy siam ṭhat tlangzarh

Defence minister Rajnath Singh chuan Thawhlehni khan Indian Coast Guard (ICG) hnuaiah hmeichhia leh mipa inkar intluktlanna ṭha kalpui a nih theihna tur huam tel policy siamṭhat pahnih a tlangzarh.

ICG inrelbawlna tihhmasawnna tur policy siam ṭhat pahnih zinga pakhat zawk hi hmeichhia leh mipa intluktlanna a awm theih nana ruahman a ni a, hemi hnuaiah hian hmeichhiate chu an rank tlukpui mipate ang bawka Short Service Appointment (SSA) leh Permanent Appointment (PA) ahte hmun siamsak an ni ang. Policy thar hnuaiah hian hnaa lak dan, officer-te tana hna kaisan leh tuipuia duty laia chin hriat loha bote chhungte hnena zangnadawmna, ex-gratia pek dan awlsam zawka kalpui a ni dawn bawk.

Policy siam ṭhat hi New Delhi-a Kartavya Bhavan-2 a event buatsaihah puan niin, hun hmannaah hian defence secretary Rajesh Kumar Singh; Indian Coast Guard-a director general Paramesh Sivamani leh official eng emaw zatin an telpui. Singh chuan Swarnim Jayanti (Golden Jubilee) lawmna lo thleng tur atana force morale leh operation-te awmze nei zawk a buatsaihna a nih thu atarlang.