Mifing bawngsa ei chuan uisa pawh ei rawh se : Dilip Ghosh

West Bengal BJP unit president Dilip Ghosh chuan Burdwan khuaa "Gopa Ashtami Karyakram" an hmannaah"Mifing tlem te, kalkawnga bawngsa ei ṭhin ho khan, uisa pawh ei ve law law rawh u in hrisel nan," tiin bawngsa eite a ti el.  Hemi rual hian heng sate hi khawlaia ei loin, in lamah ei turin a ti bawk. 

"Bawng hi kan nu a ni a, bawnghnute avanga dam khawchhuaka seilian thei chauh kan ni. Bawng chunga che mawi lo apiang chu an chetmawi loh dan ang chiah zelin ka thungrul ang. Bawng thah leh hralh hi dan bawhchhiatna a ni," tiin bawng pawimawhna leh a humhalh zia Ghosh chuan a sawi.

India bawng leh ramdang bawngte chu Ghosh hian khaikhinin, India bawng chu kan nu a ni a, ramdang bawng erawh a ni ve kher lo, a ti. Hemi hnu hian Ghosh hi a thusawi khap sak zui a ni. Kumin kumtira inthlanpui neih lai khan Ghosh chuan poll panel official chu kekawr a phelh khum a, a phelh khumna chhan hi Ram Navami poster tar a lak thlak vang a ni. Hemi chungchangah hian Election Commission chuang show cause notice a pe zui nghal bawk.