Bihar-ah kum 15 chuang lirthei tlan khap

Bihar sorkar chuan boruak bawlhhlawh zel tur venna kawng khat atan, sorkar motor leh commercial motor kum 15 tling tawh chin chu tlanchhuah a khap. 

He khapna thupek hi Thawhṭanni khan tihchhuah a ni a, nimin khan state pumah hman ṭan nghal a ni.  "Chief minister Nitish Kumar hoa boruak bawlhhlawh leh a zual zel tur ven dan chungchang ngaihtuaha  high-level meeting kan neihnaa kan thutlukna a ni," tiin Chief Secretary Deepak Kumar chuan a sawi.

Bihar transport department chuan vawiin aṭangin lirthei tlante an enfiah ṭan dawn a, mimal lirthei kum 15 chuang tawh erawh pollution test an neih hnuah chuan tlan phal an nih tur thu state sorkar chuan a sawi bawk. India ram hmar lamte hian kumtin deuhthaw chu kum tawp apiangin boruak bawlhlhlawh avangin harsatna hi an tawk ziah ang a ni. Diwali festi­val hman zawh hnu hian boruak bawlh­hlawh lam  hi a nasa zual ṭhin a ni.  

Delhi-ah pawh pollution level hi 'severe category' ah a la awm avangin, kum danga an lo tih ṭhin tawh Odd-Even scheme, lirthei num­ber kawpkim leh kim lo intlan chhawk tir chu Thawhṭanni aṭang khan a hmang ṭan leh.