NTA-in UGC NET re-exam subject 3-ah buatsaih dawn

National Testing Agency (NTA) chuan UGC-NET exam neih zawh takah harsatna leh dik lohna hrang hrang a awm avangin subject pathum — English, Sociology leh Commerce-ahte 're-examination' a buatsaih leh dawn tih a puang.

Heng subject pathumte exam-naah hian exam hmachhawntute aṭangin vuina leh sawiselna tam tak a awm a ni. Question paper-ah hming leh hming sawifiahna dik lo, zawhna buaichuar leh a hmaa exam-a lo chhuak tawh zawhna awm nawn leh eng emaw zat a awm nia tarlan a ni. English subject-ah zawhna 150 zinga 67 chu December 2024 exam-a chhuak tawh a ni a, Sociology-ah pawh scholar-te hming leh lehkhabu lehlin dik lo leh spelling dik loa ziah a awm bawk.

NTA hotute tarlan danin, complain hrang hrang awmte avangin heng subject pathuma re-exam dik leh felfai zawk neih chu committee in ṭha a ti a, chuvangin re-exam buatsaih tur hian thutlukna siam a ni. English leh Commerce exam hi September 9-ah neih a ni anga, Sociology exam hi September 10-ah neih a nih tur thu an tarlang.

Exam neih nawnna turah hian candidate-te hnen aṭangin exam fee thar dil a ni dawn lo a, exam-na hmun leh admit card chungchangte chu NTA official website-ah tarlan a ni ang. Subject dang 84-te result leh JRF seat lak erawh a nghawng tel dawn lo thung a ni.