India leh US-in military exercise nei dawn
India leh United States-te chuan November 13-21 hian Andhra Pradesh-a Visakhapatnam leh Kakinada khuaah military exercise, 'Tiger Triumph' tih chu an nei dawn.
He excercise neih turah hian Indi aṭangin army, navy leh airforce 1,200 leh US aṭangin sipai 500 an tel dawn a ni. INS Jalashwa, USS Germantown, INS Airavat leh survey vessel te hman an ni bawk ang. He exercise ah hian chhiatrupna thlen thulha sipaiten chhawmdawl hna thawh an kalpui dante, chhiatna thleng thei laka inven dan turte thlur bing deuh bik a ni dawn.
India leh US force-te'n an thiamthil an inhrilh tawnna leh zirtir theihna tur atan leh ram pahnihte inkungkaihna ṭha siam a nih theih nan he excercise hi buatsaih a ni. India leh US military excercise neih tur hi Visakhapatnam-a September 16-20 a conference neihah khan rel a ni. Sep thla vek khan India, US leh Jpaan chuan Malabar-ah military execise hi an lo nei ho tawh bawk.