US Ambassador Sergio Gor-in J&K tlawh

India rama US Ambassador leh South and Central Asia atana US Special Envoy ni mek, Sergio Gor chuan nimin Nilaini khan Jammu & Kashmir tlawhin, chief minister Omar Abdullah chu inbiakna a neihpui nghal bawk.

US palai tlawhna hi kum 2019-a J&K Union Territory-a chantir a nih hnua foreign diplomat sang berin a tlawh hmasakna ber a ni a, politic lam chik tute ngaihven a hlawh hle. CM Omar Abdullah chuan, "Ramchhung buaina leh harsatnate hi Washington-a chingfel tur a ni lo a, New Delhi sorkar laipui ngeiin a chingfel tur a ni,"a ti. CM chuan foreign diplomat hnenah ramchhung chungchang thlen a chin loh thu a sawi.

Sergio Gor hian Srinagar-ah mi pawimawh hrang hrang leh Lieutenant Governor Manoj Sinha te hmu bawkin, hemi hnuah Ladakh lam a pan chhunzawm tura ruahman a ni. He intlawhna hi J&K tualchhung party-ten statehood neih let leh duha ngenna an siam reng lai leh, US president Donald Trump-a'n Pak-Saudi-Turkey defence pact a thlawp hnu lawka thleng a nih vangin geopolitics lamah ngaihven a hlawh hle a ni.